70 йил ичида биз кичик лабораториядан женериклар ишлаб чиқарувчи дунёдаги етакчи фармацевтика компанияларидан бирига айландик.

Бизнинг рақобатбардош устунлигимиз ривожланишга йўналтирилган тажрибамиз, инновацион ечимларимиз, юқори сифатли маҳсулотларимиз, илғор технологияларга доимий инвестицияларимиз  ва кенг ишлаб чиқариш, рўйхатга олиш, маркетинг ва сотиш тармоғимиздир.

Биз женериклар ишлаб чиқарадиган фармацевтика компаниясимиз. Бизнинг узлуксиз етказиб беришимиз ва йилига 18 миллиарддан ортиқ таблетка ва капсулалар ишлаб чиқариш қувватимиз бизни энг кўп тарқалган касалликларни даволашда беморлар ва соғлиқни сақлаш тизимлари учун ишончли ҳамкорга айлантиради.

Маҳсулотларни сотиш ва хизмат кўрсатиш ҳисобига бизнинг йиллик айланмамиз 1,9 миллиард евродан ошади, бу бизга женерик фармацевтик препаратлар ишлаб чиқарадиган дунёдаги етакчи фармацевтика компаниялари қаторида бўлиш имконини беради. Инновацион женерик препаратлар, инвестициялар ва янги бозорларга чиқиш бизнеснинг барча кўрсаткичларида ўсиш бўлишини кафолатлайди.

Биз сифатни таъминлаймиз, инновацияларни ривожлантирамиз ва даромаднинг 10%ни тадқиқот ва ишланмаларга ажратамиз. Соғлик ҳақида гап кетганда, биз фақат энг яхшисини таклиф қиламиз. Шунинг учун биз ҳар бир препаратнинг ишлаб чиқилишини диққат билан режалаштирамиз. Биз ишлаб чиқаришнинг барча босқичларини фаол моддани ишлаб чиқишдан то тайёр маҳсулот ишлаб чиқаришгача бўлган даврда назорат қиламиз ва унинг бутун ҳаёт цикли давомидаги сифатни таъминлаймиз.